Center da seniors

Steinhauser Zentrum

La Fundaziun Steinhauser-Casanova cun sedia a Sursaissa Mundaun ei la purtadra dil Steinhauser Zentrum. La fundaziun constituida il fenadur 1966 ha giu cumbattiu dapi igl onn 1995 sut la direcziun da Thomas Mirer per il menaschi d'ina casa da tgira per seniors ella vischnaunca. Cun acquirir contribuziuns da fauturs e da donaturs ha il project „Steinhauser Zentrum“ saviu vegnir realisaus.

Ils 14 d'october 2001 han ins saviu festivar l'emprema palada per la construcziun dil Steinhauser Zentrum. In mument memorabel per la fundaziun e per la populaziun dalla vischnaunca. Cun ina summa da construcziun da rodund 5,5 milliuns francs han ins saviu construir in'ovra che s'auda qualitativamein allas purschidas semplas e tuttina unicas per habitar ella vegliadetgna el Grischun.

Il Steinhauser Zentrum ei vegnius aviarts igl 1. da settember 2003. Sper la stabilisaziun dalla structura d'organisaziun steva e stat adina la tgira ed assistenza dils cussadents individuala ed amureivla el center. Denton stat era il beinstar dallas colluvreras e dils colluvrers e specialmein dallas emprendistas e dils emprendists a cor a nus. Per saver garantir tut la finanziaziun per il futur eis ei necessari che fauturas e fauturs, donaturas e donaturs sco era simpatisantas e simpatisants sustegnien vinavon il Steinhauser Zentrum.