Affons drovan naven dalla naschientscha in agen document d'identitad, l'inscripziun dils affons el passaport dils geniturs ei buca pli pusseivla.

Cartas dad ID

Las damondas per ina carta d'identitad san vegnir fatgas all'administraziun communala. Per suttascriver sto la persuna petenta, resp. per affons era in genitur, ir persunalmein al spurtegl dall'administraziun communala. Sch'ei vegn plinavon duvrau in passaport, eis ei d'avantatg da sedrizzar directamein al center da documents d'identitad a Cuera.

Prender cun Vus:

• foto da passaport tenor las directivas
• carta dad ID ni attest da perdita

Cuosts:

• CHF 70.00 carschi  
• CHF 35.00 affons  

Passaports

Persunas cun domicil el cantun Grischun empostan passaports per telefon ni via internet directamein tier il center da registraziun a Cuera ni a Zernez. Dapi igl onn 2010 vegn il niev passaport svizzer emess cun ina fotografia ed improntas dils dets memorisadas electronicamein, igl aschinumnau passaport 10. Per viadis senza visum els Stadis Uni dall'America ston ils passaports cuntener datas biometricas.

Prender cun Vus:

• documents d'identitad vegls ni attest da perdita

Cuosts:

• CHF 140.00 carschi (combi CHF 148.00)
• CHF 60.00 affons (combi CHF 68.00)