Termins d'inoltrar la declaraziun da taglia

Per inoltrar la declaraziun da taglia valan ils suandonts termins:

• 31 da mars per persunas cun activitad da gudogn dependenta, scolars, students, rentiers, persunas senza activitad da gudogn e cuminonzas d'artavels
• 30 da settember per persunas cun activitad da gudogn independenta, per societads semplas e per persunas cun domicil ordeifer il Grischun cun stabiliments d'interpresa el cantun Grischun
• 30 da settember per persunas cun domicil ordeifer il Grischun cun immobilias el cantun Grischun (obligaziun fiscala limitada)

Damonda per prolungir il termin

Damondas per prolungir il termin d'inoltrar la declaraziun da taglia ston vegnir fatgas en scret ni per e-mail agl uffeci da taglia Obersaxen Mundaun ni online via damonda per ina prolungaziun dil termin avon ch'il termin ordinari scadi.

Quens da taglia

Il quen da taglia communala provisori vegn mintgamai fatgs il schaner digl onn sequent a basa dils facturs digl onn precedent. Ei valan ils suandonts termins da pagament: emprema rata tochen ils 30-06 / secunda rata tochen ils 31-08 / ni la summa totala tochen ils 31-07. Il tscheins da retardament che vegn fixaus mintg'onn vegn mintgamai publicaus sin la pagina-web dall' Administraziun da taglia dil cantun Grischun.  publiziert.

Ina damonda per in pagament en ratas dalla taglia communala sto vegnir fatga en scret agl uffeci da taglia communal avon ch'il termin scadi. Ina damonda per in levgiament da pagament (prolungaziun dil termin da pagament ni pagament en ratas) per la taglia cantunala e la taglia federala directa sa vegnir fatga en scret all'Administraziun da taglia dil cantun Grischun indicond ils motivs. Sch'ina damonda da prolungir il termin da pagament vegn approbada, resultan per regla tscheins da retardament.
Formular online: pagament en ratas