Agentura dall'AVS

Sco uffeci communal dall'AVS essan nus cheu per Vus per tut las damondas dall'assicuranza sociala ed intermediein denter Vus ed igl Institut d'assicuranza sociala dil cantun Grischun (SVA).

Vus saveis retrer tier nus tut ils formulars d'annunzia e fegls d'informaziun dallas suandontas partiziuns dallas assicuranzas socialas:

  • AVS (assicuranza per vegls e survivents), s'annunziar 5 meins avon l'entschatta dalla renta
  • AI (assicuranza d'invaliditad) 
  • UCG (uorden da cumpensaziun dil gudogn) 
  • CCF (cassa da cumpensaziun per famiglias) 
  • LSFamA (supplements per famiglias ell'agricultura)

 

Prestaziuns supplementaras (EL)

Las prestaziuns supplementaras all'AVS gidan leu, nua che la renta e las ulteriuras entradas cuvieran buc ils cuosts da viver minimals. Tier la Pro Senectute saveis Vus quintar ora provisoriamein, sche Vus haveis il dretg da survegnir prestaziuns supplementaras.

 

Reducziun dallas premias dall'assicuranza da malsauns

Persunas e famiglias che vivan en relaziuns economicas mudestas san dumandar sut certas cundiziuns contribuziuns per la reducziun dallas premias dall'assicuranza da malsauns. Ils formulars per s'annunziar per ina reducziun individuala dallas premias san ins era retrer tier l'administraziun communala.

Ulteriuras informaziuns e formulars:
www.sva.gr.ch 
www.ahv.ch