Augment dallas taxas da hosps

Las vischnauncas da Breil/Brigels, Ilanz/Glion, Lumnezia ed Obersaxen Mundaun, che fuorman ina destinaziun turistica communabla, han introduciu igl 1. da schaner 2015 las leschas communalas e las ordinaziuns davart las taxas da hosps e las taxas turisticas. Quellas fuorman la basa per igl incasso dallas taxas da hosps e las taxas turisticas. Grazia allas entradas han las investiziuns turisticas pudiu vegnir augmentadas ils davos diesch onns. La purschida per ils hosps ei vegnida baghegiada ora. Quei va en favur da nos hosps, mo era dils indigens. Ils davos diesch onns ei denton era la carschia s’augmentada. La midada digl index naziunal dils prezis da consum (LIC) ha importau dil mars 2014 entochen igl avrel 2025 totalmein plus 6.4%. Per che la purschida possi vegnir mantenida era vinavon sin il nivel actual e sa vegnir extendida aunc dapli, eis ei necessari dad ulivar la carschia. Perquei ha la suprastonza communala decidiu d’augmentar las taxas da hosps e d’adattar naven digl 1. da schaner 2026 igl art. 7 «Taxaziun dalla taxa da hosps» dallas disposiziuns executivas tier la lescha davart la taxa da hosps e la taxa turistica Obersaxen e Mundaun sco suonda:

Art. 7 Taxaziun dalla taxa da hosps

Las tariffas per las singulas taxas da hosps e las differentas pauschalas importan per la:

a) taxa da hosps frs. 3.20 per pernottaziun
b) taxa da hosps che vegn tschentada a quen als alloschaders sco pauschala annuala: hotels, per combra frs. 475.00 habitaziuns da vacanzas, per meter quadrat dalla surfatscha da habitar netta frs. 9.50 combras privatas, per combra frs. 143.00 loschaments da gruppa, per plaz da durmir frs. 63.00 campadis, per post frs. 120.00 
c) pauschala annuala obligatoria per agen diever per meter quadrat dalla surfatscha da habitar netta ed onn frs. 8.50

20-06-2025
Suprastonza communala Obersaxen Mundaun