Elecziuns communalas 2019 per la perioda d’uffeci 2020 – 2023

L’emprema perioda d’uffeci dallas autoritads communalas da nossa vischnaunca vegn finida giu ils 31 da december 2019.

La suprastonza communala ha fixau il termin per las elecziuns dalla suprastonza communala e dalla cumissiun da quen e gestiun, qualas han tenor constituziun da vischnaunca liug all’urna, sco suonda:

Dumeniga, ils 20 d’october 2019

Tenor constituziun da vischnaunca ha mintga commember d’ina autoritad communala ni d’ina cumissiun dad inoltrar sia demissiun a scret alla suprastonza communala. Las suandontas demissiuns ein vegnidas inoltradas:

Suprastonza communala

  • neginas demissiuns

Cumissiun da quen e gestiun

  • Beatrice Derungs

Cumissiun da scola

  • Sigisbert Alig
  • Eveline Arpagaus-Sax
  • Kerstin Sax

Cumissiun da baghegiar

  • Michael Cahenzli

Per las elecziun all’urna dils 20 d’october 2019 valan ils tschun suprastonts en uffeci Ernst Sax, Michael Cahenzli, Cyrill Maier, Pio Marco Schnider und Fabien Walder sco era ils dus commembers restonts dalla cumissiun da quen e gestiun Claudio Pfister e Marlise Alig sco proponi per l’elecziun. L’administraziun communala vegn a publicar corrispundentamein las propostas d’elecziun tenor art. 22 dalla lescha da votaziun ed elecziun. Ulteriuras propostas d’elecziun san vegnir inoltradas all’adminisatraziun communala e quellas vegnan medemamein currentamein publicadas.

La fiasta d’elecziun ei previda la dumengia, ils 20 d’october 2019 il suentermiezdi.

Nus supplichein Vus gia oz da reservar quei termin. Nus engraziein a Vus per prender enconuschientscha e per la participaziun alls elecziuns d’uonn.

09-08-2019 
La suprastonza communala