Reducziun individuala dallas premias (RIP) en l‘assicuranza da malsauns

Persunas e famiglias che vivan en relaziuns economicas modestas san, resguardont certas premissas, dumandar contribuziuns allas premias da l'assicuranza da basa obligatoria per la tgira da malsauns (LAM).
 
Annunzia
Il formular d'annunzia incl. il mussavia dalla reducziun individuala dallas premias (RIP) per igl onn 2025 san ins telecargar ed emplenir directamein online sin la pagina d’internet digl’institut d’assicuranza sociala dil cantun Grischun (www.sva.gr.ch) ubain retrer tier l'agentura AVS dalla vischnaunca. L'annunzia inoltreis Vus p.pl. directamein all‘AVS Grischun.
 
Termin d'annunzia
Il dretg scada, sche la damonda per l'onn 2025 vegn buca inoltrada entochen ils 31 da december 2025 tier l‘AVS Grischun.
 
Avis per ina prestaziun anticipada
Persunas/famiglias che han gia retschiert per l'onn 2025 in avis per ina prestaziun anticipada, valan sco annunziadas e ston buca pli inoltrar in'annunzia per l'onn 2025.
Mutaziuns ni annunzias posteriuras da persunas muncuntas sco p.ex. affons nievnaschi, emprendistas ed emprendists ubain studentas e students ein d'annunziar immediat. Il termin d'annunzia per l'onn 2025 scada medemamein ils 31 da december 2025.
 
Onn 2026
Ils formulars per l'onn calender 2026 statten a disposiziun a partir da miez fevrer 2026.
 
Vossas damondas sclarescha l‘AVS Grischun (081 257 41 11) ni l’agentura AVS dalla vischnaunca Obersaxen Mundaun (081 920 50 80) bugen per telefon

28-11-2025
Agentura AVS dalla vischnaunca Obersaxen Mundaun