Vischnaunca Obersaxen Mundaun, Zona da planisaziun

Alla sesida dils 18 da fevrer 2019 ha la suprastonza communala relaschau ina zona da planisaziun per igl entir territori da vischnaunca tenor art. 21 dalla lescha davart la planisaziun dil territori per il cantun grischun (LPTGR) cun las suandontas finamiras da planisaziun:

a) examinar ed adattar las zonas da baghegiar (zona dil vitg, zona dil vitg engrondida, zonas da habitar e zonas mischedadas) ordeifer ed agl ur dil territori surbaghegiau per gronda part tenor las prescripziuns egl art. 15 al.1 e 2 dalla lescha da planisaziun dil territori federala (LPT) e tenor las prescripziuns dil niev plan directiv cantunal «habitadi» (PDC-H) ch’ei vegnius concludius dalla regenza ils 20 da mars 2018.

b) realisar las ulteriuras pretensiuns tenor igl art. 15 LPT sco era tenor il PDC-H cantunal dils 20 da mars 2018, en special quei che concerna la promoziun d’in svilup da habitadis d’aulta valur da construcziun egl intern e da renovar ils habitadis (PDC-H, cefra 5.1.2, instrucziuns d’agir).

Ella zona da planisaziun astga vegnir fatg nuot che savess engreviar la nova planisaziun e cunterfar a quella. Damondas da baghegiar astgan mo vegnir lubidas, sch’ellas cunterfan ni allas prescripziuns cun vigur legala ni allas novas planisaziuns e prescripziuns previdas (cumpareglia art. 21 al. 2 LPTGR). Lubientschas da baghegiar vegnan messas anavos duront che la zona da planisaziun ei en vigur specialmein, sche la damonda da baghegiar

  • nezegia surfatschas che sesanflan ordeifer il territori surbaghegiau. En quei cass astga il project da construcziun buca influenzar negativ ina eventuala dezonaziun dalla surfatscha restonta (p.ex. negina stagliada dalla surfatscha dezonada ni scaffir novas ruosnas da baghegiar, ni
  • pertucca pusseivels territoris da densificaziun e d’innovaziun.

La suprastonza communala fa la resalva ch’ella sa concretisar la zona da planisaziun da tut temps tenor il stan da planisaziun vertent respectivamein ch’ella sa adattar la zona da planisaziun al stan da planisaziun mintgamai actual.

La zona da planisaziun vala ad interim entochen ils 18 da fevrer 2021.

Il relasch dalla zona da planisaziun sa vegnir contestaus enteifer 30 gis a partir dalla publicaziun ufficiala cun in recuors da planisaziun tier la regenza (art. 101 al. 1 LPTGR).

Obersaxen Mundaun, 22-02-2019
La suprastonza communala