Cumissiun da scola

La cumissiun da scola seconstituescha sezza. Il cau dil departament dalla suprastonza communala fa part dad ella ex officio ed ademplescha per regla la funcziun da president. La cumissiun da scola ha quitau dil diever dalla legislaziun davart la scola dalla Confederaziun, dil cantun e dalla vischnaunca. Ella diregia e surveglia il menaschi da scola dallas scolas che vegnan menadas dalla vischnaunca.

Alla cumissiun da scola cumpeta sper las cumpetenzas menziunadas ella lescha da scola cantunala il sequent:
1. sco autoritad electorala l'elecziun e la visada dallas persunas d'instrucziun;
2. la preparaziun digl uorden da scola e digl uorden disciplinar per mauns dalla radunonza communala.

Per cumprar mieds d'instrucziun e material da scola dispona la cumissiun da scola dil credit fixaus el preventiv. Ultra da quei suttastattan las cumpetenzas finanzialas dalla formaziun als organs ordinaris dalla vischnaunca.

Ulteriuras informaziuns sut Formaziun.

 

Commembers  Sax Hansjörg, president 
Casanova-Caviezel Seraina
Caviezel Marco
Mirer Hubert
Niederberger-Haltinner Ramona 
Pagina-webScola Obersaxen Mundaun