Informaziuns

En nos cumplexs da scola a Meierhof vegnan las suandontas classas instruidas:

  • classas da scola primaras, tudestg e romontsch
  • classas da scola realas e secundaras 
  • classas pintgas

La scoletta tudestga sesanfla ell'alzada sut digl edifeci polivalent Meierhof e la scoletta romontscha ella casa da scola da Flond.

Ina survesta da nossa scola

La scola primara ed il scalem ault da Sursaissa Mundaun cumpeglia tut il territori communal da Sursaissa Mundaun. Tut ils affons vegnan instrui el cumplex da scola Meierhof. Il plaz da scola sa vegnir duvraus dils scolars sco plaz da giug public ordeifer il temps da scola.

Mintga affon, che cumpletescha egl onn current il 7avel onn da vegliadetgna, ei sin l'entschatta dil proxim onn da scola obligaus d'ir a scola. L'instrucziun alla scola publica dil liug da dimora ei gratuita. Medemamein vegnan tut ils mieds d'instrucziun e materials da scola acquistai dalla vischnaunca e distribui gratuitamein allas scolaras ed als scolars.

"La scola populara educhescha in cumpurtament che s'orientescha allas valurs cristianas, humanisticas e democraticas. Ella mantegn la libertad da cardientscha e cunscienzia e pren risguard sin minoritads. Ella promova buobs e mattatschas a moda eguala. La scola populara cumpletescha l'educaziun en famiglia. Ils cussegls da scola, las persunas d'instrucziun ed ils geniturs ni responsabels per l'educaziun lavuran ensemen. La scola populara ademplescha sia incumbensa da formaziun cun formar l'instrucziun e la convivenza en scola. L'instrucziun risguarda la capacitad da prestaziun sco era las predisposiziuns ed ils duns individuals dils affons. Ella tschenta ils fundaments per emprender per veta duronta."

In plan d'instrucziun concepius dil cussegl d'educaziun fixescha per mintga scalem da scola las finamiras ed ils cuntegns dall'instrucziun sco era il temps che sto vegnir investius per ils singuls roms. Las scolastas ed ils scolasts ein ligiai vid il plan d'instrucziun. Denton ha mintga persuna d'instrucziun la libertad da formar sia instrucziun (libertad da metodas); ella ha denton era la responsabladad per la direcziun dall'instrucziun.

Il transport dils scolars

Ils bigliets per igl auto da posta vegnan distribui als affons igl emprem di da scola. En cass dad eventualas uras marginalas dat ei la pusseivladad da far ils pensums en scola.

 

AdressaMeierhof 37 + 38
7134 Obersaxen
Via Culpina 6
7137 Flond
Tel.081 933 21 07
Pedel/laAlois Janka, Tel. 079 635 55 62Elsbeth Riedi, Tel. 079 350 72 81
Pagina-webwww.schule-obersaxenmundaun.swiss 
DocumentsUrari dil bus da scola
Uorden da scola

Plans dalla situaziun

Cumplex da scola Meierhof

Scoletta da Flond (romontsch)