Abonnaments dallas pendicularas Obersaxen Mundaun

Per affons cun domicil en vischnaunca: La vischnaunca surpren ils cuosts.
La vischnaunca Obersaxen Mundaun surpren dapi la sesiun 2023/2024 ils cuosts per igl abonnament dallas pendicularas Obersaxen Mundaun per affons indigens tochen 16 onns cun domicil fix ella vischnaunca dad Obersaxen Mundaun.
Restitui vegnan ils cuosts digl abonnament dalla tariffa da prevendita. Nus supplichein Vus da cumprar igl abonnament per la sesiun 2026/2027 per Vies affon tochen ils 30 da zercladur 2026 per il prezi reduciu tier las pendicularas Obersaxen Mundaun e da vegnir cun quel tier l’administraziun communala duront las uras da spurtegl. La vischnaunca restituescha ils cuosts encunter in mussament digl abonnament ni ina quittanza. Tgi che cumpra igl abonnament per siu affon suenter igl 1. da fenadur 2026 survegn mo restituiu ils cuosts dil prezi reduciu.
Nus sperein da saver dar cun quella purschida a biars affons indigens la pusseivladad da passentar bia legreivlas uras sin las pistas ni sin las sendas da viandar e da bike.

01-05-2026
Vischnaunca Obersaxen Mundaun