Elecziun supplementara per in commember dalla suprastonza communala

Per igl anteriur commember dalla suprastonza communala, Fabien Walder, ch’ei morts ils 24 da zercladur 2025, sto vegnir elegiu tenor l'art. 13 dalla Constituziun dalla vischnaunca dad Obersaxen Mundaun in substitut ella suprastonza communala. La suprastonza communala ha fixau il termin per l'elecziun cumplementara – che succeda tenor la Constituziun communala all'urna – sin il termin da votaziun ufficial da dumengia, ils 30 da november 2025.

Tenor art. 9 dalla Constituziun dalla vischnaunca dad Obersaxen Mundaun sa mintga votant vegnir eligius en in'instanza communala. Propostas d’elecziun san vegnir inoltradas all’administraziun communala. L’administraziun communala vegn a publicar las propostas d’elecziun tenor art. 22 dalla Lescha da votaziuns ed elecziuns dalla vischnaunca dad Obersaxen Mundaun cuntinuadamein egl organ da publicaziun ufficial ed egl internet. Propostas d'elecziun consignadas tochen il pli tard in meins avon il termin da votaziun alla canzlia communala vegnan aschuntadads als documents da votaziun per informaziun. Per informaziuns tier igl uffeci supplichein nus interessai da prender si contact cun il president communal ni la menadra operativa dalla vischnaunca.

Nus engraziein per Vies interess all’elecziun supplementara per in commember dalla suprastonza communala per l’actuala perioda d’uffeci 2024 – 2027 e sperein sin ina stedia participaziun.

19-09-2025 
Suprastonza communala dad Obersaxen Mundaun