Intimaziun da spargnar aua

Muort la schitgira cuntinuonta meinan las fontaunas sin nies territori communal actualmein adina pli pauca aua. La munconza da plievgia ha effectuau che las affluenzas ellas reservas d'aua communalas ein sereducidas il davos temps fetg.
La vischnaunca dad Obersaxen Mundaun appellescha perquei fermamein all'entira populaziun dad ir entuorn cun ordvart gronda responsabladad e precauziun cul consum d'aua. Mintga quantitad spargnada gida a garantir e mantener stabil il provediment d'aua da beiber.
Nus engraziein grondamein per Vossa capientscha e Vies sustegn en quella situaziun pretensiusa.
Davart igl ulteriur svilup ed eventualas adattaziuns dallas mesiras vegn informau cuntinuadamein.