Sanaziun dallas vias da megliuraziun principalas da Mundaun

Exposiziun publica dallas midadas dil project d'exposiziun, vias da megliuraziun, nr. 9, Ratetsch–Planatsch, 1. part, e nr. 10, Armsch–Plaun Sura, 1. part

Sebasond sin l'art. 38 dalla Lescha da megliuraziun dil cantun Grischun (LMG; DG 915.100) e sin l'art. 97 dalla Lescha federala d'agricultura (LAgr; CS 910.1) vegnan las actas cheu sutvart exponidas publicamein.

Actas d'exposiziun: 
rapport tecnicplan dil project construcziun da vias incl. aspects ecologics, 1:2500 profil normal 1:50 

Liug d'exposiziun: 
Vischnaunca dad Obersaxen Mundaun, Vorstadt 26, 7134 Obersaxen

Cuoz dall'exposiziun: 
Da venderdis, ils 12 da settember 2025 tochen gliendisgis, ils 13 d’october 2025, duront las uras da spurtegl usitadas.

Legitimaziun da far protesta: 
La legitimaziun da far protesta han quellas persunas ch'ein tangadas dallas actas d'exposiziun e che san far valer in interess dign da vegnir protegi per abolir ni per midar las actas; plinavon era la vischnaunca pertuccada e las organisaziuns naziunalas per la protecziun digl ambient, schinavon ch'ellas han era il dretg da far recuors da dretg administrativ tier il Tribunal federal.

Protestas: 
Protestas encunter las actas d'exposiziun ston vegnir inoltradas en scret entochen il pli tard gliendisgis, ils 13 d’october 2025 (bul postal), al Departament d'economia publica e fatgs socials, Reichsgasse 35, 7000 Cuira.

Uffeci d’agricultura e da geoinformaziun
Daniel Buschauer

12-09-2025
Vischnaunca Obersaxen Mundaun

anavos