Svilup dil centrum da Surcuolm

En il model directiv dil territori communal dalla vischnaunca Obersaxen Mundaun ha la suprastonza communala fixau igl onn 2021 differentas finamiras ed instrucziuns d’agir per il svilup futur dalla vischnaunca. Cun l’instrucziun d’agir nr. 9.13 ha la suprastonza communala fixau d’examinar l’utilisaziun futura dalla casa da scola a Surcuolm e d’attribuir questa ad in’utilisaziun corrispundenta (habitar, turissem). Da sviluppaders privats da projects ch’ein organisai en la societad da construcziun centrum dil vitg da Surcuolm ei en enconuschientscha da quella directiva d’agir dalla vischnaunca ils davos onns vegnius sviluppaus in project. La basa dil project elavurada ei la basa per la revisiun parziala dalla planisaziun locala che sto vegnir fatga e che entscheiva ils 9 da fevrer 2026 cun l’exposiziun da cooperaziun publica en la proxima fasa. Avon resp. a medem temps sco l’entschatta dall’exposiziun publica da cooperaziun vulessan ils representants dalla societad da construcziun centrum dil vitg da Surcuolm presentar persunalmein el liug ella casa da scola a Surcuolm il project alla populaziun ed a tut las persunas interessadas ed informar davart quel.

Las presentaziuns dil project han liug sco suonda:

• Sonda, ils 07-02-2026, 10.00 - 12.00 e 15.00 - 18.00 
• Dumengia, ils 08-02-2026, 10.00 - 12.00 e 15.00 - 18.00 
• Gliendisgis, ils 09-02-2026, 16.00 - 18.00

L’exposiziun publica da cooperaziun ha liug naven da gliendisgis, ils 9 da fevrer 2026 tier l’administraziun communala dad Obersaxen Mundaun. En las actas d’exposiziun san ins prender investa allas uras d’avertura ufficialas usitadas (cf. en quest connex la publicaziun ufficiala dils 6 da fevrer 2026).

30-01-2026
Suprastonza communala dad Obersaxen Mundaun