Taglia da tgauns

Per mintga tgaun che vegn tenius sil territori dalla vischnaunca dad Obersaxen Mundaun, eis ei da pagar ina taglia da tgauns. Suenter l’aquistaziun d’in niev tgaun sto il possessur dil tgaun vegnir persunalmein enteifer 30 gis cun il certificat dil tgaun cun la numera dil chip da micro tier l'administraziun communala Obersaxen Mundaun.
Midadas da possessur da tgauns e mortoris da tgauns ein d’annunziar entochen venderdis, ils 13 da mars 2026, all'administraziun communala Obersaxen Mundaun. Suenter quei termin vegn a mintga possessura/possessur da tgauns tschentau il quen per la taglia da tgauns. Quella importa per igl onn 2026 tenor conclus dalla suprastonza communala Obersaxen Mundaun per igl emprem tgaun CHF 50.00 e per mintga ulteriur tgaun CHF 100.00.

13-02-2026
Vischnaunca Obersaxen Mundaun