Viadi gratuit cugl auto da posta duront la sesiun d'unviern

Igl auto da posta sa vegnir nazegiaus da tuts gratuitamein dils 19 da december 2025 entochen ils 6 d’avrel 2026 sin las lingias dil traffic public dallas vischnauncas Obersaxen Mundaun e Lumnezia sco a Luven.
Naven dalla midada d’urari, ils 14 da december 2025, cursescha igl auto da posta – sper la purschida entochen da cheu – era sin novas lingias sin nies territori communal, e quei da Glion via Surcuolm, Meierhof e S. Martin a Miraniga. La damaun ed il suentermezgi curseschan ils autos da posta 5 gadas da Meierhof posta entochen alla staziun da Tavanasa-Breil ed enavos, nua ch’ei resultan colligiaziuns en direcziun Glion e Mustér.
Desisti digl auto e nazegei la mobilitad dils mieds publics da transport. Vegni cumadeivlamein el territori da sport d’unviern Obersaxen Mundaun/Val Lumnezia cun l’experientscha dils quater péz, 120 chilometers da pista da skis, sendas da scursalar, fagei spassegiadas d’unviern, mai in runda culs scursalets, ni gudi la vastusa ed emperneivla loipa da cuorsa liunga a Flond.
Prendei la caschun e visitai ina dallas numerusas ustrias en nossa vischnaunca.
Nus selegrein sin Vossa viseta ad Obersaxen Mundaun.

5-12-2025
Vischnaunca Obersaxen Mundaun