Vischnaunca Obersaxen Mundaun – revisiun dalla planisaziun locala (prolun-gaziun dalla zona da planisaziun)

La suprastonza communala ha ils 18 da fevrer 2019 relaschau e mez en vigur ina zona da planisaziun pertuccont la revisiun dalla planisaziun locala. La suprstonza communala ha a caschun dalla sesida dils 03 da fevrer 2021 concludiu sin basa digl art. 21 dalla lescha davart la planisaziun dil territori per il cantun Grischun (LPTGR), da prolunghir la zona da planisaziun perinaga per dus onns.

Intent dalla zona da planisaziun:

  1. examinar ed adattar las zonas da baghegiar (zona dil vitg, zona dil vitg engrondida, zonas da habitar e zonas mischedadas) ordeifer ed agl ur dil territori surbaghegiau allas prescripziuns corrispundentas egl art. 15 al.1 e 2 dalla lescha da planisaziun dil territori federala (LPT) e tenor las prescripziuns dil niev plan directiv cantunal «habitadi» (PDC-H) ch’ei vegnius concludius dalla regenza ils 20 da mars 2018.
  2. realisar las ulteriuras pretensiuns tenor igl art. 15 LPT sco era tenor il PDC-H cantunal dils 20 da mars 2018, en special quei che concerna la promoziun d’in svilup da habitadis d’aulta valur da construcziun egl intern e da renovar ils habitadis (PDC-H, cefra 5.1.2, instrucziuns d’agir).

Il departement d’economia publica e fatgs socials dil Grischun ha dau il consentiment ils 12 da fevrer 2021 per ina prolungaziun dalla zona da planisaziun.

Ella zona da planisaziun astga vegnir fatg nuot che savess engreviar la nova planisaziun e cunterfar a quella. Damondas da baghegiar astgan mo vegnir lubidas, sch’ellas cunterfan ni allas prescripziuns cun vigur legala ni allas novas planisaziuns e prescripziuns previdas (cumpareglia art. 21 al. 2 LPTGR). Lubientschas da baghegiar vegnan messas anavos duront che la zona da planisaziun ei en vigur specialmein, sche la damonda da baghegiar:

  • nezegia surfatschas che sesanflan ordeifer il territori surbaghegiau. En quei cass astga il project da construcziun buca influenzar negativ ina eventuala dezonaziun dalla surfatscha restonta (p.ex. negina stagliada dalla surfatscha dezonada ni scaffir novas ruosnas da baghegiar, ni
  • pertucca pusseivels territoris da densificaziun e d’innovaziun.

Il relasch dalla prolungaziun dalla zona da planisaziun sa vegnir contestaus enteifer 30 gis a partir dalla publicaziun ufficiala cun in recuors da planisaziun tier la regenza dil cantun Grischun.

Obersaxen Mundaun, 19-02-2021

Vischnaunca Obersaxen Mundaun
la suprastonza communala