Votaziun federala e cantunala dil pievel

Nus rendein attents alla publicaziun ella part «Cantun» all’entschatta dil Fegl ufficial Surselva. Votantas e votants che han buca retschiert il material da votar san retrer quel dall’administraziun communala entochen gievgia, ils 24 da settember 2026.

Las urnas ein postadas sco suonda:
Casa communala 
Gievgia, ils 24-09-2026, 10.00–12.00 / 15.30–17.00 
Venderdis, ils 25-09-2026, 10.00–12.00 / 15.30–17.00
Meierhof, baselgia 
Dumengia, ils 27-09-2026, 09.10–09.30
Surcuolm, plaz cadruvi
Dumengia, ils 27-09-2026, 09.40–09.55
Flond, edifeci polivalent 
Dumengia, ils 27-09-2026, 10.05–10.30
St. Martin, baselgia 
Sonda, ils 26-09-2026, 19.00–19.30

Nus supplichein da respectar che substituziun tier la votaziun all’urna ei buca lubida. Ei astga vegnir vuschau mo cun ils cedels da votar agens. Alla votaziun ei da dar giu igl attest da votar cun suttascripziun, il qual ei vegnius distribuius cun il material da votar. Senza suttascripziun ei la votaziun nunvaleivla.

Votaziun per correspondenza 
Sin igl attest da votar ei la procedura dalla votaziun per correspondenza declarada. La votaziun per correspondenza sa vegnir fatga entochen il pli tard la dumengia, ils 27 da settember 2026, 10.30, ella scaffa da brevs dalla vischnaunca che sesanfla avon la casa communala a Meierhof.

ATTENZIUN: Senza suttascripziun sin igl attest da votar ei la votaziun nunvaleivla.