Procedura da contribuziun construcziun nova via da quartier

Sebasond sin art. 22 dall'ordinaziun davart la planisaziun dil territori per il cantun Grischun (OPTGR) sco era art. 62 e 63 dalla lescha davart la planisaziun dil territori per il cantun Grischun (LPTGR) ha la suprastonza communala dad Obersaxen Mundaun decidiu a caschun da sia seduta dils 22 da zercladur 2026 l'introducziun dalla procedura da contribuziun, il perimeter da contribuziun previu sco era la cumpart previda dils cuosts dall'interessenza publica e privata dalla via ch'ei d'arver.

Intent:
Construcziun nova via da quartier parcella nr. 929

Cumpart dils cuosts:
Cumpart communala    10 %
Cumpart privata            90 %

Determinaziun perimeter da contribuziun:
La determinaziun dil perimeter da contribuziun ei veseivla ord ils acts d'exposiziun.

Acts d'exposiziun:
Via da quartier parcella nr. 929, procedura da contribuziun, perimeter da contribuziun e cumpart dils cuosts, 1:500

Temps d'exposiziun:
Gliendisgis, ils 6 da fenadur 2026 entochen margis, ils 4 d’uost 2026 (30 gis)

Liug e temps d'exposiziun:
Administraziun communala, duront las uras da spurtegl

Protestas:
Encunter l'introducziun dalla procedura da contribuziun, il perimeter da contribuziun previu sco era encunter la cumpart d'interessenza publica e privata san persunas che cumprovan in agen interess digns da vegnir protegi far protesta a scret e motivau enteifer 30 dis dapi la publicaziun alla suprastonza communala.

Ina copia dil text da publicaziun ei vegnida tarmessa tier a mintga proprietaria pertuccada ed a mintga proprietari pertuccau avon il termin da publicaziun.

03-07-2026
Suprastonza communala Obersaxen Mundaun