Tagliar anavos plontas e caglias

Tenor las basas legalas en nossas leschas da baghegiar ein plontas e caglias da tagliar anavos aschia che roma che varga ora pregiuditgescha buca il manteniment dallas vias. Il transit da vehichels da manteniment da vias e da rumida da neiv sto esser segiraus da tut temps. Concret eis ei da tagliar anavos plontas e caglias sin in'altezia da 5 m sco era cun ina distanza da silmeins 50 cm naven digl ur dalla via.

Nus supplichein perquei tuttas proprietarias e tuts proprietaris da terren sco era responsabels d'immobilias da far las lavurs necessarias entochen sil pli tard ils 31 d'october 2026.

Avis impurtont:
Suenter la scadenza da quei termin vegn la vischnaunca a far diever dil dretg da smuttegiar tenor lescha e tagliar anavos plontas e caglias. Ils cuosts che seresultan per quei intent van a quen dallas proprietarias e dils proprietaris da schischom respectivs.

En cass da damondas ni per sustegn san ins sevolver tier l'administraziun communala dad Obersaxen Mundaun cun indicar leutier las suandontas indicaziuns:

· Nr. da parcella
· Fracziun (num rural)
· Num e numera da telefon


Il luvratori communal Obersaxen Mundaun vegn silsuenter a semetter en contact cun Vus.
 

Nus engraziein per Vossa cooperaziun.
 

Vischnaunca Obersaxen Mundaun